Ghazal

"vo sirf qisse kahaaniyon ke muaamle the charaagh rakh de charaagh ghisne se koi jin-vin nahin nikalte charaagh rakh de hamaari maasumiyat to dekho rakh aae dil ham huzur-e-jaanaan ki jaise koi khudaa kaa banda havaa ke aage charaagh rakh de kisi ke saae ko qaid karne kaa ik tariqa bataa rahaa huun ik us ke aage charaagh rakh de ik us ke pichhe charaagh rakh de tujhe bahut shauq thaa mohabbat ki garm lapTon se khelne kaa le jal gai na hatheli ab khush kahaa thaa main ne charaagh rakh de charaagh le ke bhi DhunDne se charaagh jaisaa nahin milegaa so rakhni hai to charaagh se rakh nahin to pyaare charaagh rakh de charaagh raushan zarur kar to par is se pahle khudaa ki khaatir yahaan pe phailaa hai jo andheraa sameT zer-e-charaagh rakh de main dil ki baaton mein aa gayaa aur uThaa ke le aayaa us ki paael dimaagh detaa rahaa sadaaein charaagh rakh de charaagh rakh de"

"mahaaz-e-jang se pahle kahin paDaav banaao nadi pe baandh banaane se pahle naav banaao ye raat sirf andheri nahin hai sard bhi hai diyaa banaa liyaa shaabaash ab alaav banaao banaanaa jaante ho tum to sab ke dil mein jagah hamaare dil mein banaa kar dikhaao aao banaao ye sang-e-marmari naakhun ye katthai polish ki koi dekhe to kah de hamaare ghaav banaao banaao taaj-mahal ke bajaae taash-mahal tamaam umr mohabbat karo giraao banaao tumhaari achchhi banegi hamaare saath ki tum bahaane achchhe banaa leti ho banaao banaao"

"ab ye gul gulnaar kab hai khaar hai be-kaar hai aap ne jab kah diyaa be-kaar hai be-kaar hai chhoD kar matla ghazal damdaar hai be-kaar hai jab sipah-saalaar hi bimaar hai be-kaar hai ik savaal aisaa hai mere paas jis ke saamne ye jo teri shiddat-e-inkaar hai be-kaar hai tujh ko bhi hai chaand kaa didaar karne ki talab ik diye ko raushni darkaar hai be-kaar hai mai-kade ke mukhtalif aadaab hote hain 'charaagh' jo yahaan par saahab-e-kirdaar hai be-kaar hai"

"hamaaraa ishq bhi yaaraane ki kagaar pe thaa jab us ne pyaar kahaa thaa zor yaar pe thaa main rozgaar-e-mohabbat mein kam pagaar pe thaa aur itni kam ki ghazal kaa guzar udhaar pe thaa huaa thaa qatl kal us ke kisi divaane kaa khudaa kaa shukr ki ilzaam khaaksaar pe thaa"

"auron ki pyaas aur hai aur us ki pyaas aur kahtaa hai har gilaas pe bas ik gilaas aur khud ko kai baras se ye samjhaa rahe hain ham kaaTi hai itni umr to do-chaar maas aur pahle hi kam hasin kahaan thaa tumhaaraa gham pahnaa diyaa hai us ko ghazal kaa libaas aur Takraa rahi hai saans miri us ki saans se dil phir bhi de rahaa hai sadaa aur paas aur allaah us kaa lahja-e-shirin ki kyaa kahun vallaah us pe urdu zabaan ki miThaas aur baandhaa hai ab naqaab to phir kas ke baandh le ik ghunT pi ke ye na ho baDh jaae pyaas aur 'ghaalib' hayaat hote to karte ye e'tiraaf daur-e-'charaagh' mein hai ghazal kaa class aur"

"uDte hain girte hain phir se uDte hain uDne vaale uDte uDte uDte hain koi us buDhe pipal se kah aao pinjre mein ham khuub maze se uDte hain haae vo chiDiyaa uD mainaa uD ke jhagDe aur phir saabit karnaa bakre uDte hain pinjre mein daanaa paani sab rakkhaa hai aur parinde bhuke pyaase uDte hain dekh rahe hain ham bhi javaani ke mausam band havaa mein kaise dupaTTe uDte hain is tote kaa pinjraa kholo phir dekho kaise is tote ke tote uDte hain"

"umuman ham akele baiThte hain vo baiThaa hai to chaliye baiThte hain miri aankhon mein gunjaaish to kam hai par us ke khvaab puure baiThte hain uThin nazrein to nazron se gireinge yahaan nazron pe pahre baiThte hain adab kaa farsh hai ye is pe bachche buzurgon ke sahaare baiThte hain vo khud markaz mein thoDi baiThtaa hai sab us ke aage pichhe baiThte hain udaasi se bharosaa uTh rahaa hai chalo 'naasir' ko paDhne baiThte hain"

"kuchh is tarah dil se ishq us kaa nikaalnaa hai baghair gullak ko toDe sikka nikaalnaa hai main jaantaa huun mohabbaton kaa maqaam-e-aakhir so us ke kamre se mujh ko pankhaa nikaalnaa hai nikaal pheinki ghaDi kalaai se us ki di hui ab apne khaatir ik-aadh ghanTa nikaalnaa hai zamin khodein jinhein banaani hain qabr-gaahein zamin jotein jinhein khazaana nikaalnaa hai nikaal laayaa jo mujh ko lahron ki saazishon se mujhe samundar se ab vo tinkaa nikaalnaa hai"

"chaman mein kaun babulon ki Daal khinchtaa hai yahaan jo aataa hai phulon ke gaal khinchtaa hai vo tiir baa'd mein pahle savaal khinchtaa hai savaal bhi jo samaa'at ki khaal khinchtaa hai ai pyaar baanTne vaale main khuub jaantaa huun ki kitni der mein machhvaaraa jaal khinchtaa hai nikal bhi saktaa huun qaid-e-takhayyulaat se gar vo shakhs khinch le jis kaa khayaal khinchtaa hai main us ke aage nahin khinchtaa niyaam se tegh vo sher-shaah jo dushman ki Dhaal khinchtaa hai ye sard subh mein soyaa sharaarti suraj bas aankh khulte hi pariyon ki shaal khinchtaa hai main hosh-mand huun khud bhi so meri ghazlon mein na raqs kartaa hai 'aashiq na baal khinchtaa hai"

"thak jaataa huun roz ke aane jaane mein meraa bistar lagvaa do maikhaane mein us ke haath mein phuul hai mat kahiye kahiye us kaa haath hai phuul ko phuul banaane mein main kab se mauqe ki taaq mein huun us ko jaan-e-man kah duun jaane anjaane mein aankhon mein mat rok mujhe jaanaa hai udhar ye rasta khultaa hai jis tah-khaane mein laad na us ke husn kaa itnaa bojh 'charaagh' aa jaaegi moch ghazal ke shaane mein"

"tumhaaraa kyaa hai tumhein sirf gyaan denaa hai hamaari socho hamein imtihaan denaa hai unhon ne apne mutaabiq sazaa sunaa di hai hamein sazaa ke mutaabiq bayaan denaa hai ye be-zabaanon ki mahfil hai dost yaad rahe yahaan khamoshi kaa matlab zabaan denaa hai"

"titli se dosti na gulaabon kaa shauq hai meri tarah use bhi kitaabon kaa shauq hai varna to niind se bhi nahin koi khaas rabt aankhon ko sirf aap ke khvaabon kaa shauq hai ham aashiq-e-ghazal hain to maghrur kyon na hon aakhir ye shauq bhi to navaabon kaa shauq hai us shakhs ke fareb se vaaqif hain ham magar kuchh apni pyaas ko hi saraabon kaa shauq hai girne do khud sambhalne do aise hi chalne do ye to 'charaagh' khaana-kharaabon kaa shauq hai"

"vo hans ke dekhti hoti to us se baat karte koi ummid bhi hoti to us se baat karte ham station se baahar aae is afsos ke saath vo laDki ajnabi hoti to us se baat karte hamaare jaam aadhi hausla-afzaai kar paae agar us ne bhi pi hoti to us se baat karte tavajjoh se bahut sharmaati hai aavaaz apni agar vo so rahi hoti to us se baat karte kisi se baat karnaa itnaa mushkil bhi nahin thaa kisi ne baat ki hoti to us se baat karte ye khaamoshi bhi kyaa hai guftugu ki intihaa hai koi baat an-kahi hoti to us se baat karte"