Ghazal

"ham na karte the nigah ek badan ki jaanib is liye der se aae hain sukhan ki jaanib tere qaamat ko salaamat sadaa allaah rakhe ab nahin dekhte ham sarv saman ki jaanib phuul shaakhon se zamin par na utar aaein kahin us ko jaate hue dekhaa hai chaman ki jaanib ye tasavvur hi tasalli mujhe detaa hai 'figaar' chhuTTiyaan hongi to jaaungaa hasan ki jaanib"

"koi surat bataa sukun ki mujhe hai zarurat zaraa sukun ki mujhe meri aankhon se chhin kar nindein us ne di hai du'aa sukun ki mujhe maan ke pairon mein baiTh kar jaanaa mil gai hai jagah sukun ki mujhe kuchh nahin maangtaa huun main maalik kar de ne'mat 'ataa sukun ki mujhe ek muflis kaa jhonpaDaa jis se aa rahi hai sadaa sukun ki mujhe dekh le be-qaraariyaan meri de masihaa davaa sukun ki mujhe"

"pyaar mein mubtalaa na ho jaaein ham bhi khud se judaa na ho jaaein mushkilein aa rahi hain tir-ba-dast dost shaana-ba-shaana ho jaaein Dar lagaa rahtaa hai mohabbat mein ek din bevafaa na ho jaaein phir se mausam 'figaar' kah rahaa hai us ki jaanib ravaana ho jaaein"

"koi divaar uThaai na koi dar rakkhaa iinT ko takiya kiyaa ret ko bistar rakkhaa pahle aankhon mein tiraa 'aks utaaraa main ne aur in aankhon ko shishe mein sajaa kar rakkhaa is se taskin nahin hogaa izaafa dukh mein dasht kaa naam agar ham ne samandar rakkhaa phuul bhijvaae kabhi she'r kiye naam tire ham ne ai shakhs tujhe yaad hai aksar rakkhaa darmiyaan apne faqat ruuh ki duuri bachi thi ham ne phir bhi tire pahlu mein nahin sar rakkhaa varna har aglaa qadam pichhe haTaataa mujh ko shukr-sad-shukr ki kuchh dhyaan na ghar par rakkhaa mashvara chaahiye thaa kal tire baare mein mujhe na milaa koi to aaina baraabar rakkhaa"

"'ishq mein mubtalaa kiyaa khud ko khud hi khud se judaa kiyaa khud ko pahle us ko banaayaa hai manzil aur phir raasta kiyaa khud ko main bhi pahchaanne se qaasir huun tum ne aakhir ye kyaa kiyaa khud ko oDh li panchhiyon ne khaamoshi main ne jab be-navaa kiyaa khud ko khul ke in ajnabi zaminon mein us ne be-zaaiqa kiyaa khud ko pesh-kash pyaar ki bhi Thukraa di aur be-aasraa kiyaa khud ko"

"ye jaisaa kahte hain vaisaa nahin hai mohabbat se tumhein khatra nahin hai hai naakaami miri yaa kaamyaabi use mujh se gila hotaa nahin hai main us kaa muntazir huun muddaton se jise meri taraf aanaa nahin hai hain zindaabaad ummidein tumhaari hamaaraa dil abhi baiThaa nahin hai mohabbat se nikal aae the aur ab kahin par bhi sukun miltaa nahin hai bhale jaisaa ravaa rakkho ravayya mujhe bas chhoD kar jaanaa nahin hai usi ke paas baiThe rahte hain ham hamaare paas jo hotaa nahin hai 'figaar' us ko du'aaein do ki us ne kahin kaa bhi tumhein chhoDaa nahin hai"

"meri aankhon se chhin kar nindein us ne di hai duaa sukun ki mujhe kuchh nahin maangtaa huun main maalik kar de neamat ataa sukun ki mujhe ek muflis kaa jhonpaDaa jis se aa rahi hai sadaa sukun ki mujhe dekh le be-qaraariyaan meri de masihaa davaa sukun ki mujhe"

"dekh to kyaa kamaal rakhti hain teri aankhein savaal rakhti hain chali aati hain meri khalvat mein yaadein kitnaa khayaal rakhti hain saamne jis qadar bhi mushkil ho sab duaaein sanbhaal rakhti hain ishq mein hain saubatein aisi mujh ko har pal niDhaal rakhti hain shokh chanchal adaaein bhi teri aap apni misaal rakhti hain tujh se ye duriyaan 'figaar' aksar meraa jiinaa muhaal rakhti hain"

"dil udaasi se bhar gayaa aakhir tu miraa kaam kar gayaa aakhir zindagi chiiz hi kuchh aisi hai ek din main bhi Dar gayaa aakhir kar ke miTTi palid basti ki teraa dariyaa utar gayaa aakhir aur kahne ko kuchh nahin baaqi dard had se guzar gayaa aakhir aaina pahle jaantaa thaa mujhe vo bhi mujh se mukar gayaa aakhir kuchh dinon tak to khud ko rok rakhaa us ki aavaaz par gayaa aakhir ashk aankhon mein ab nahin aate 'ishq siine mein mar gayaa aakhir"

"jo dost puchh rahe hain kahaan-kahaan bolein jahaan-jahaan bhi hain khaamoshiyaan vahaan bolein sukun miltaa nahin hai samaa'aton ko zaraa khamosh ho jo ye darvaaza khiDkiyaan bolein saraahtaa nahin koi inhein tire hote tire khilaaf na kaise ye vaadiyaan bolein udaasiyon se aTe honge sab dar-o-divaar jo aanganon mein hamaare na beTiyaan bolein kahaa gayaa hai ki ab jhuuT kaa karein parchaar ruke hue hain jo un ko ravaan-davaan bolein"

"dharti ke 'alaava to guzaaraa nahin honaa rahnaa hai mujhe khaak sitaara nahin honaa main aur kisi dar pe chalaa jaataa yahaan se pahle hi bataa dete tumhaaraa nahin honaa khud par bhi to insaan kaa haq hotaa hai koi jis kaa bhi mujhe honaa hai saaraa nahin honaa phir aankh ne is dil ko koi chehraa dikhaayaa lagtaa thaa mujhe 'ishq dubaara nahin honaa ye baat lagaataar lagaati hai hamein zakhm sab kaa use honaa hai hamaaraa nahin honaa"

"ek muddat se rukh-e-yaar nahin dekhaa hai nafratein dekhin magar pyaar nahin dekhaa hai dard aur gham kaa jo darmaan bhi le kar aae main ne aisaa koi gham-khvaar nahin dekhaa hai nazar aate hain pujaari to bahut daulat ke koi ulfat kaa talabgaar nahin dekhaa hai vo jo mazdur banaate hain mahal auron ke un kaa apnaa koi ghar-baar nahin dekhaa hai qatl-o-ghaarat hai bapaa kaisi mire shahron mein yuun kabhi khuun kaa baazaar nahin dekhaa hai"

"main kinaare pe raat kaaTungaa shajar-e-gham ke paat kaaTungaa vasl ki yaad ke sahaare par hijr ki mushkilaat kaaTungaa main dalaael ke tez khanjar se teri har ek baat kaaTungaa jaane vaale mujhe bataa jaate kis tarah main hayaat kaaTungaa sab ko hai dushmani darakhton se main bhi kis kis ke haath kaaTungaa chain kaa ek pal nahin haasil din kaTegaa to raat kaaTungaa"