Ghazal

"raah apni na raahbar apnaa kaamraan kaise ho safar apnaa naaz kyaa aarzi Thikaane par shahr apnaa na koi ghar apnaa ab jo hogaa vo dekhaa jaaegaa aap kaa dar hai aur sar apnaa ham ko jiine ki aarzu hai abhi kyon hai maayus chaaraagar apnaa phir nai manzilein talaashte hain khatm hotaa nahin safar apnaa log hote hain mustafid to hon ham nahin bechte hunar apnaa nau-e-insaan ke kaam aae adab hai yahi nuqta-e-nazar apnaa baat karte hain ham khudaa lagti aur lahja hai mo'atabar apnaa sher-goi mein naam hai 'maqbul' ye taaaruf hai mukhtasar apnaa"

"ye khazaf mere liye hain ye guhar mere liye main huun makhdum-e-jahaan hai khushk-o-tar mere liye jannat-o-dozakh bane hain arsh par mere liye aur zamin par ehtimaam-e-khair-o-shar mere liye arsh-e-aazam tak miri parvaaz hai ai be-khabar aur nahin hai ehtiyaaj-e-baal-o-par mere liye aarzu hai azm-o-himmat hai dil-e-pur-shauq hai dosto kaafi hai ye rakht-e-safar mere liye aaj mujh par hans rahe hain log is kaa gham nahin ek din hogi sabhi ki aankh tar mere liye rafta rafta ho gae naaraaz ai 'maqbul' sab zahr bhi ab ho gayaa hai be-asar mere liye"

"kamaal-e-husn-o-sadaaqat talaash kartaa huun har ek shai mein haqiqat talaash kartaa huun adab ki den siyaasat ki falsafa sab mein nishaan-e-fikr-o-basirat talaash kartaa huun TaToltaa huun har ik dil amiiq nazron se khulus-o-mehr-o-mohabbat talaash kartaa huun jo raahaton ki manaazil se ham-kanaar kare vo rahnumaa vo qayaadat talaash kartaa huun main apni jehd-e-musalsal ki tah mein ai 'maqbul' vaqia khvaab ki jannat talaash kartaa huun"

"kaun hai apnaa ham-qadam kahiye kis se haalaat ke sitam kahiye kis qadar mukhtasar hai subh-e-nashaat kitni lambi hai shaam-e-gham kahiye aa gai aur pukhtagi ham mein sitam-e-dost ko karam kahiye kaun gham-khvaar hai zamaane mein kis se bechaargi kaa gham kahiye log karne lage hain farmaaish khaar-zaaron ko bhi iram kahiye main ne kholi nahin zabaan apni rah gayaa aap kaa bharam kahiye ye hai farmaan-e-vaqt ai 'maqbul' kam-savaadon ko mohtaram kahiye"

"jaante ho tum ki kyaa hai zindagi masala-dar-masala hai zindagi sochiye to ik suhaanaa khvaab hai dekhiye to ik balaa hai zindagi khaar hon jis par ziyaada phuul kam ek aisaa raasta hai zindagi zahr hai haq mein kisi ke aur kahin chashma-e-aab-e-baqaa hai zindagi koi kuchh to koi kuchh samjhaa ise ek anokhaa falsafa hai zindagi kaun jaane ye kahaan par khatm ho ik niraalaa silsila hai zindagi maut kyaa hai mahfil-e-aish-o-nishaat mehnat-o-juhd-e-baqaa hai zindagi"

"umiid ham se na rakhnaa fareb khaane ki ki ham ne dekhi hain nairangiyaan zamaane ki vafaa kaa raasta hai aaj kis qadar sunsaan ab aarzu hai kise naqd-e-jaan luTaane ki miri hayaat pe ye kaise pahre hain yaa-rab na ro sakun na ijaazat hai muskuraane ki ujaD gayaa to kisi taur phir ye bas na sakaa hazaar koshishein kiin shahr-e-dil basaane ki ye she'r-goi kaa sadqa nahin to phir kyaa hai nazar mein ho gae 'maqbul' ham zamaane ki"

"dil pareshaan aankh viraan aur ham hain hazaaron ranj-o-hirmaan aur ham ik taraf vo aur bazm-e-fasl-e-gul ik taraf hai chaak-e-daamaan aur ham dil-shikasta ruuh be-kal ashk-e-khun ye hamaaraa saaz-o-saamaan aur ham ji rahe hain ham bhi kaisi zindagi zakhm-khurda apne armaan aur ham mashghala hai ek muddat se yahi justuju-e-zauq-e-irfaan aur ham"

"hazaaron ranj-o-gham de kar khushi ki baat karte hain hai khanjar aastin mein dosti ki baat karte hain paDein chhaale zabaan par ghair kaa jo naam bhi le lein ki ham to aap ke hain aap hi ki baat karte hain samajh mein kuchh nahin aataa hain divaane ki farzaane khudi mein ji rahe hain be-khudi ki baat karte hain koi ham saa na hogaa pyaas kaa maaraa zamaane mein samundar pi chuke aur tishnagi ki baat karte hain jo khud vaaqif nahin hain zindagaani ki haqiqat se vahi ham se usul-e-zindagi ki baat karte hain junun-parvarda logon mein junun ki baat hoti hai khirad ke paasbaan to aagahi ki baat karte hain kiyaa karte hain murda-dil hamesha maut ki baatein jo zinda-dil hain vo to zindagi ki baat karte hain"

"kamaal-e-husn-o-sadaaqat talaash kartaa huun har ek shai mein haqiqat talaash kartaa huun adab ki diin siyaasat ki falsafa sab mein nishaan-e-fikr-o-basirat talaash kartaa huun TaToltaa huun har ik dil amiiq nazron se khulus-o-mehr-o-mohabbat talaash kartaa huun jo raahaton ki manaazil se ham-kanaar kare vo rahnumaa vo qayaadat talaash kartaa huun main apni jehd-e-musalsal ki tah mein ai 'maqbul' vaqia khvaab ki jannat talaash karaa huun"

"tere baghair jiine kaa yaaraa nahin rahaa lekin karein bhi kyaa koi chaara nahin rahaa saansein bhi teri hone lagin dil ke saath saath ab zindagi pe apnaa ijaara nahin rahaa auron pe ikhtiyaar jataane se faaeda jab khud pe ikhtiyaar hamaaraa nahin rahaa aish-o-nishaat ki koi tauqir hi nahin jab zindagi mein gham kaa sharaara nahin rahaa ‘maqbul’ mujh ko apni khudi par hai fakhr-o-naaz kyaa gham agarche koi sahaaraa nahin rahaa"

"guzrein phir ek haadsa-e-khun-chakaan se ham ai dost aisaa hausla laaein kahaan se ham har din hain mushkilaat o masaail nae nae shaayad guzar rahe hain kisi imtihaan se ham paidaa ho kaise jazba-e-taskhir-e-kaaenaat aazaad hi na ho sake vahm-o-gumaan se ham apne liye jo baais-e-sad-iftikhaar thi ab us ghaDi ko DhunD ke laaein kahaan se ham rahzan kaa khauf chhoDiye pahle ye sochiye khud ko bachaa ke kaise rakhein paasbaan se ham kaise alag kareingi zamaane ki gardishein hindostaan hai ham se to hindostaan se ham 'maqbul' kyaa karein ki tabiat hai haq-pasand mahzuz hone vaale nahin daastaan se ham"

"chhupaa har chand teraa dard-e-pinhaan ham samajhte hain ki sach hai ahl-e-gham hi dusron kaa gham samajhte hain koi ham saa na hogaa chaahne vaalaa tujhe hamdam namak-paashi ko teri zakhm kaa marham samajhte hain mufakkir falsafi sciencedaan jo bhi samajhte hon jahaan ko ham maaal-e-laghzish-e-aadam samajhte hain kabhi naazuk masaail par na karnaa guftugu un se nae fitne jagaayaa karte hain jo kam samajhte hain har afsaane mein hai pinhaan mire gham kaa koi pahlu tabhi to sab mire gham ko gham-e-aalam samajhte hain"

"kisi ne kah di koi baat haq maa'lum hotaa hai tabhi chehre kaa tere rang faq maa'lum hotaa hai sahifa zindagaani kaa bahut aasaan nazar aaya magar jab paDhne baiThun to adaq maa'lum hotaa hai jahaan ke daftar-e-gham ki haqiqat hi hai kyaa vo to hamaare dard-e-dil kaa ik ramaq maa'lum hotaa hai haqiqat mein lahu hai vo shahidaan-e-mohabbat kaa kanaar-e-charkh jo rang-e-shafaq maa'lum hotaa hai nami hai aansuon ki khun-chakaan alfaaz hain saare ye meri hi kahaani kaa varaq maa'lum hotaa hai"

"har lamha karb-o-dard-o-gham-o-iztiraab mein yaa'ni miri hayaat hai paiham 'azaab mein ab dil hamaaraa ban gayaa khushiyon kaa maqbara hai dafn har khushi isi khaana-kharaab mein sadqe hazaar jaan se lutf-e-sukun-o-aish us lutf par jo paa liyaa hai iztiraab mein gahraai-e-nazar ho to nazzaara sahl hai varna har ek chiiz chhupi hai naqaab mein is atomi zamaane ki saughaat hai yahi hai ek ik nafas zad-e-qahr-o-itaab mein 'maqbul' kyaa maqaam-e-shahid-e-vafaa hai dekh aab-e-hayaat paa liyaa hai zahr-e-naab mein"

"jaam-o-minaa hai giraan baada-e-barsaat giraan saaqiyaa tere binaa hai yahaan har baat garaan aarzu apni bayaan un se karein to kaise un pe har baat garaan did-o-mulaaqaat garaan bas yahi soch ke karte nahin izhaar-e-khayaal un pe guzrein na kahin apne khayaalaat-e-garaan aisaa lagtaa hai ki har su hai jahannum barpaa is qadar ho gae hain aaj ke haalaat garaan zindagi kaise guzaareinge bhalaa ham 'maqbul' din giraan subh garaan shaam garaan raat garaan"

"be-amaan shahr mein amaan ki talaash tumhein din mein hai kahkashaan ki talaash huaa karti hai ek ik shai mein bad-gumaan zehn ko gumaan ki talaash aarzu-e-nashaat hai tum ko hamein soz-e-gham-e-nihaan ki talaash chashm-e-betaab-o-ashk-baar ko hai pur-sukun pur-amaan jahaan ki talaash kam nahin ju-e-shir laane se is zamaane mein mehrbaan ki talaash"

"aise aalam mein bhalaa kis kaa pakaDtaa daaman the sabhi log jahaan khasta darida-daaman aaj aaluda nazar aataa hai daaman us kaa jis kaa mashhur-e-zamaana rahaa ujlaa daaman itni fursat hai kise kaun bhalaa dekhegaa ashk-e-khunin se labrez kisi kaa daaman hai bajaa aap ki angusht-numaai lekin kabhi dekhein to sahi aap bhi apnaa daaman gul-e-ummid se phir aaj vo khushbu phuTi jis se 'maqbul' miri ziist kaa mahkaa daaman"

"ham se na hui jurat-e-izhaar-e-tamanna ik umr rahe dil mein liye khaar-e-tamannaa dil ho gayaa hai jab se giraftaar-e-tamanna haan sah rahe hain tab se ham aazaar-e-tamanna ai dost bujhaa de ki abhi jaan hai baaqi ab phunk hi Daalegi mujhe naar-e-tamannaa lillaah nahin koi utar jaane ki surat dosh-e-dil-e-naazuk pe hai vo baar-e-tamannaa 'maqbul' isi mein hai jo khushnudi-e-yaaraan to ham bhi kiye dete hain isaar-e-tamanna"

"hazaaron ranj-o-gham de kar khushi ki baat karte hain hai khanjar aastin mein dosti ki baat karte hain paDein chhaale zabaan par ghair kaa jo naam bhi le lein ki ham to aap ke hain aap hi ki baat karte hain samajh mein kuchh nahin aataa hain divaane ki farzaane khudi mein ji rahe hain be-khudi ki baat karte hain koi ham saa na hogaa pyaar kaa maaraa zamaane mein samundar pi chuke aur tishnagi ki baat karte hain jo khud vaaqif nahin hain zindagaani ki haqiqat se vahi ham se usul-e-zindagi ki baat karte hain junun-parvarda logon mein junun ki baat hoti hai khirad ke paasbaan to aagahi ki baat karte hain kiyaa karte hain murda-dil hamesha maut ki baatein jo zinda-dil hain vo to zindagi ki baat karte hain"