Ghazal

"mire sukhan pe ik ehsaan ab ke saal to kar tu mujh ko dard ki daulat se maalaa-maal to kar dil-e-aziz ko tere supurd kar diyaa hai tu dil lagaa ke zaraa us ki dekh bhaal to kar kai dinon se main ik baat kahnaa chaahtaa huun tu lab hilaa to sahi haan koi savaal to kar main ajnabi ki tarah tere paas se guzraa ye kyaa taalluq-e-khaatir hai kuchh khayaal to kar main chaah kar bhi tire saath rah nahin paaun tu mere gham miri majburi par malaal to kar"

"mujhe taslim be-chun-o-churaa tu haq-ba-jaanib thaa mire anfaas par lekin 'ajab pindaar ghaalib thaa vagarna jo huaa us se sivaae ranj kyaa haasil magar haan maslahat ki rau se dekhein to munaasib thaa main tere baa'd jis se bhi milaa tikhaa rakhaa lahja ki is be-laus chaahat ke 'evaz itnaa to vaajib thaa main kuchh puchhun bhi to aksar javaaban kuchh nahin kahtaa guzishta ek 'arse se jo bas mujh se mukhaatib thaa main umr-e-rafta ki baazi se itnaa hi samajhtaa huun shikast o fath do harf-e-izaafi khel jaalib thaa"

"samundar tishnagi vahshat rasaai chashma-e-lab tak ye saaraa khel in aankhon se dekhaa tere kartab tak tamaasha-gaah-e-duniyaa mein tamaashaai rahe ham bhi sahar ki aarzu ham ne bhi ki thi jalva-e-shab tak na jaane vaqt kaa kyaa faisla hai der kitni hai ghaDi ki suiyaan bhi ho chuki hain muzmahil ab tak kabhi fursat mili to aasmaan se ham ye puchheinge rahegaa tu hamaare sar pe yuun hi mehrbaan kab tak khudaa jaane kahaan tak kaamyaabi haath aai hai ki apni baat to pahunchaa chukaa apne mukhaatab tak"

"ham apne ishq ki baabat kuchh ehtimaal mein hain ki teri khubiyaan ik aur khush-khisaal mein hain tamiz-e-hijr-o-visaal is maqaam par bhi hai hisaab-e-raah-e-mohabbat mein garche haal mein hain koi bhi paas nahin to tiraa khayaal na gham ba-qaul-e-pir-e-jahaan-dida ham visaal mein hain bahut zaruri nahin hai ki tu sabab Thahre ye baat apni jagah ham kisi malaal mein hain guzishta saal rahaa jin pe tang arsa-e-vaqt vo saare khvaab ba-taabir ab ke saal mein hain"

"yaad ki basti kaa yuun to har makaan khaali huaa bas gayaa thaa jo khalaa saa vo kahaan khaali huaa raat bhar ik aag si jalti rahi thi aankh mein aur phir din bhar musalsal ik dhuaan khaali huaa khud-ba-khud ik dasht ne tashkil paai aur phir lamha bhar mein ek shahr-e-be-karaan khaali huaa aaj jab us lutf-e-saaya ki zarurat thi hamein kam-nasibi ye ki dast-e-mehrbaan khaali huaa rafta rafta bhar gayaa har suud se apnaa bhi ji rafta rafta dil se ehsaas-e-ziyaan khaali huaa aaj se ham bhi akele ho gae is bhiiD mein dhyaan mein thaa jo bharaa saa aasmaan khaali huaa"

"mataa-e-paas-e-vafaa kho nahin sakungaa main kisi kaa tere sivaa ho nahin sakungaa main sadaa rahegaa tar-o-taaza shaakh-e-dil par tu fuzul ranj ki kuchh bo nahin sakungaa main tu aanhkein muund le to niind aae mujh ko bhi tu jaantaa hai ki yuun so nahin sakungaa main mujhe viraasat-e-gham se bhi aaq kar Daalaa ye kaisaa lutf ki ab ro nahin sakungaa main bahut hasin hai jahaan, zindagi bhi khuub magar mazid baar-e-nafas Dho nahin sakungaa main"

"rah-e-vafaa mein rahe ye nishaan-e-khaatir bas baghair naam ho mazkur har musaafir bas hazaar vaadi-e-taarik se guzartaa huaa ye ishq chaahtaa hai ho tiraa muaasir bas tavil marhala-e-justuju bhi thaa darpesh so ittifaaq nahin thaa huaa vo zaahir bas phir is ke baad sabhi ho gayaa idhar kaa udhar vo ek lamha-e-maujud mein thaa haazir bas ye ik jazira-e-be-raah bhi nahin rahnaa to kyaa qarib hai vo majma-ul-jazaair bas"

"khalaa saa Thahraa huaa hai ye chaar-su kaisaa ujaaD ho gayaa ik shahr-e-rang-o-bu kaisaa tamaam halqa-e-khvaab-o-khayaal hairaan hai savaad-e-chashm mein aayaa ye maah-ru kaisaa kabhi jo fursat-e-yak-lamha bhi mile to dekh ki dasht-e-yaad mein bikhraa paDaa hai tu kaisaa agarche shora hi shora sab ilaaqa-e-dil tujhe rakkhaa hai magar sabz o pur-numu kaisaa saraa-e-dil mein kai din se shaam hote hi dhuaan saa phailne lagtaa hai ku-ba-ku kaisaa zaraa jo sochein to ye masala bhi hal ho jaae ki honaa chaahiye ab rang-e-aarzu kaisaa"

"nasib-e-chashm mein likkhaa hai gar paani nahin honaa to kyaa ye tai hai ab ranj-e-pashemaani nahin honaa sakun se jaa lagegi dil ki kashti apne saahil se ki is barsaat mein dariyaa ko tufaani nahin honaa sabhi kuchh tai-shuda maa'muli jaisaa hone vaalaa hai kisi bhi vaaqa'e ko vajh-e-hairaani nahin honaa junun mein mumkina had tak rahegaa hosh bhi shaamil miri jaan be-zarurat kaar-e-naadaani nahin honaa hamin un khush-nasibon mein se hain, jin ke nasibon mein khudaa ne saaf likkhaa hai pareshaani nahin honaa"

"ba-raah-e-raast nahin phir bhi raabta saa hai vo jaise yaad-e-mazaafaat mein chhupaa saa hai kabhi talaash kiyaa to vahin milaa hai vo nafas ki aamad-o-shud mein jahaan khalaa saa hai ye taare kis liye aankhein bichhaae baiThe hain hamein to jaagte rahne kaa aariza saa hai ye kaaenaat agar vaisi ho to kyaa hogaa hamaare zehn mein khaaka jo ik banaa saa hai zamin madaar pe raqsaan hai subh o shaam mudaam kure ke chaar taraf ik muhaasara saa hai"

"is soch mein hi marhala-e-shab guzar gayaa dar vaa kiyaa to kis liye saaya bikhar gayaa taa-der apne saath rahaa main zamaane baad be-naam saa sukut thaa jab raat ghar gayaa rakhtaa thaa hukm maut kaa jo raah-e-vasl mein vo lamha-e-firaaq mire Dar se mar gayaa sab raunaqein ba-zid thiin jahaan ghar banaane ko vo qarya-e-vajud khalaaon se bhar gayaa main baandh hi rahaa thaa ghazal mein use abhi vo zina-e-khayaal se niche utar gayaa"

"inaayat hai tiri bas ek ehsaan aur itnaa kar mire is dard ki miaad mein bhi kuchh izaafa kar gumaan se bhi ziyaada chaahiye sarsabz kisht-e-jaan faqat pichhle pahar kyaa har pahar ai aankh barsaa kar to phir ikraam kyaa shai hai jo tanhaai mein tanhaa huun koi mahfil ataa kar qaaede ki us mein tanhaa kar nafas ki aamad-o-shud ruk na jaae peshtar is se zamin ko aur nichaa aasmaan ko aur unchaa kar bahut mumkin hai meri baatein be-maani lagein tujh ko inhein majzub ki baD jaan aur chup-chaap sochaa kar"

"un dinon kaa zikr hai jab us ko dekhaa bhi na thaa zehn mein vaazeh koi harf-e-tamannaa bhi na thaa ab magar vo dil ke qarye qarye mein aabaad hai haan guzishta vaqt mein kuchh itnaa pyaaraa bhi na thaa aur aankhein ik 'ajab se nuur se sairaab thiin us kaa chehra haathon mein thaa chaand niklaa bhi na thaa is qadar sarshaar the ham pyaar ke ehsaas mein tai hui kab vasl-manzil dhyaan aayaa bhi na thaa aaj sochun to koi ik khvaab saa lagti hai vo us se milnaa baatein karnaa khvaab aisaa bhi na thaa"

"to kyaa taDap na thi ab ke mire pukaare mein vagarna vo to chalaa aataa thaa ishaare mein vo baat us ko bataanaa bahut zaruri thi vo baat kis liye kahtaa main istiaare mein mudaam hijr-kade mein vo yaad raushan hai kahaan hai ai dil-e-naakaam tu khasaare mein mire alaava sabhi log ab ye maante hain ghalat nahin thi miri raae us ke baare mein faqir hai pa karaamat kisi ne dekhi nahin guzar-basar hi kiyaa kartaa hai guzaare mein"

"bas saliqe se zaraa barbaad honaa hai tumhein is kharaabe mein agar aabaad honaa hai tumhein aashnaa tahzib-e-khaamoshi se honaa shart hai dosto gar vaaqai fariyaad honaa hai tumhein vasl ki saaat tumhaare qurb se mujh par khulaa ik na ik din hijr ki miaad honaa hai tumhein ishq karte vaqt mere zehn mein hargiz na thaa shaaeri mein is tarah ijaad honaa hai tumhein main khudaa ke faisle se khush huun ye bhi lutf hai meri naa-taamir ki buniyaad honaa hai tumhein"

"jo is baras nahin agle baras mein de de tu ye kaaenaat miri dastaras mein de de tu sukun chaahtaa huun main sukun chaahtaa huun khuli fazaa mein nahin to qafas mein de de tu ye kyaa ki harf-e-duaa pe bhi barf jamne lagi koi sulagtaa sharaara nafas mein de de tu main donon kaam mein mashshaaq huun magar mujh ko zaraa tamiz to ishq o havas mein de de tu us ek shakhs ke saath ek umr rah luun main agar ye saabit o sayyaar bas mein de de tu"

"hamaare zehn mein ye baat bhi nahin aai ki teri yaad hamein raat bhi nahin aai bichhaDte vaqt jo garje vo kaise baadal the ye kaisaa hijr ki barsaat bhi nahin aai tujhe na paa sake ham is kaa ik sabab ye hai palaT ke gardish-e-haalaat bhi nahin aai huaa yuun haath se baazi nikal gai ik roz hamaare hisse mein phir maat bhi nahin aai ulajh ke rah gae kyaa ham bhi kaar-e-duniyaa mein ki naubat-e-safar-e-zaat bhi nahin aai"

"us ne kahaa ki dil kaa kahaa maan 'ishq hai us din khulaa ki vaaqa'i aasaan 'ishq hai hairaan mat ho dekh ke divaangi miri tu mahz tu nahin hai miri jaan 'ishq hai phirtaa hai nisf-shab koi saaya tiri taraf aankhein agar mili hain to pahchaan 'ishq hai paimaana gar nahin hai to is tarh naap le jo faasla hai mumbai tahraan 'ishq hai tu hijr mein bhi saath rahaa vasl ki tarah mazmun kuchh alag hai pe 'unvaan 'ishq hai"

"hukmaraan jab se huiin basti pe afvaahein vahaan din Dhale hi bain karti hain ajab raatein vahaan ik ghurub-e-be-nishaan ki samt raste par huun main khauf ye darpesh hongi kaisi duniyaaein vahaan baar-haa dekhi hai un kuchon ne shab-masti miri aaj bhi ik ghar ke baam-o-dar shanaasaa hain vahaan kyaa tujhe mismaari-e-dil ki khabar koi na thi kis liye bhejin na tu ne phir abaabilein vahaan ek dafa tu yahaan aa kar mujhe hairaan kar kyaa zaruri hai ki tujh se milne aauun main vahaan"

"nadi thi kashtiyaan thiin chaandni thi jharnaa thaa guzar gayaa jo zamaana kahaan guzarnaa thaa mujhi ko ronaa paDaa ratjage kaa jashn jo thaa shab-e-firaaq vo taara nahin utarnaa thaa mire jalaal ko karnaa thaa kham sar-e-taslim tire jamaal kaa shiraaza bhi bikharnaa thaa tire junun ne ik naam de diyaa varna mujhe to yuun bhi ye sahraa ubuur karnaa thaa ik aisaa zakhm ki jis par khizaan kaa saaya na thaa ik aisaa pal ki jo har haal mein Thaharnaa thaa"

"ba-naam-e-ishq ik ehsaan saa abhi tak hai vo saada-lauh hamein chaahtaa abhi tak hai faqat zamaan o makaan mein zaraa saa farq aayaa jo ek masala-e-dard thaa abhi tak hai shuru-e-ishq mein haasil huaa jo der ke baad vo ek sifr tah-e-haashiya abhi tak hai hulul kar chuki khud mein hazaar naqsh o rang ye kaaenaat jo khaaka-numaa abhi tak hai tavil silsila-e-maslahat hai chaar taraf yaqin kar le miri jaan khudaa abhi tak hai"

"main nahin rotaa huun ab ye aankh roti hai mujhe roti hai aur sar se paanv tak bhigoti hai mujhe bad-duaa hai jaane kis ki yaad ki jo har ghaDi har guzishta lamhe se vahshat si hoti hai mujhe mumkina had tak main apni dastaras mein huun magar pichhle kuchh din se koi shai mujh mein khoti hai mujhe mutmain thaa din ke bikhraav se main lekin ye raat daana-daana phir ajab Dhab se piroti hai mujhe main bahut mashshaaq ik tairaak thaa lekin vo aankh dekh ab maa-kashti-e-jaan ke Duboti hai mujhe"

"badal jaaegaa sab kuchh ye tamaashaa bhi nahin hogaa nazar aaegaa vo manzar jo sochaa bhi nahin hogaa har ik lamha kisi shai ki kami mahsus bhi hogi kahin bhi duur tak koi khalaa saa bhi nahin hogaa vo aankhein bhi nahin hongi kahein jo an-kahi baatein havaa mein sabz aanchal kaa vo lahraa bhi nahin hogaa simaT jaaegi duniyaa saaat-e-imroz mein ik din shumaar-e-zist mein diroz o fardaa bhi nahin hogaa magar qad roz o shab kaa dekh kar hairaan sab honge madaar apnaa zamin ne garche badlaa bhi nahin hogaa ajab viraaniyaan aabaad hongi qarya-dar-qarya shajar shaakhon pe chiDiyon kaa baseraa bhi nahin hogaa"

"rizq-e-bar-haq mere hisse mein nahin aayaa abhi tere hone par mujhe phir se yaqin aayaa abhi main to kab se khaana-e-dil ko sajaae baiThaa thaa ab ye us ki kam-nasibi gar makin aayaa abhi ye maza dasht-e-tamannaa ki masaafat mein milaa aasmaan lagtaa thaa bas su-e-zamin aayaa abhi jo sitaara muTThi mein mahsus hotaa thaa mujhe vaaqi'a yuun hai ki vo mere qarin aayaa abhi"