gunjaaish-e-afsos nikal aati hai har roz — Abrar Ahmad

yaad bhi teri miT gai dil se
aur kyaa rah gayaa hai hone ko

tu kahin baiTh aur hukm chalaa
ham jo hain teraa bojh Dhone ko

kahin koi charaagh jaltaa hai
kuchh na kuchh raushni rahegi abhi

bhar laae hain ham aankh mein rakhne ko muqaabil
ik khvaab-e-tamannaa tiri ghaflat ke baraabar

qisse se tire meri kahaani se ziyaada
paani mein hai kyaa aur bhi paani se ziyaada

har rukh hai kahin apne khad-o-khaal se baahar
har lafz hai kuchh apne maaani se ziyaada

pyaaso raho na dasht mein baarish ke muntazir
maaro zamin pe paanv ki paani nikal paDe

apnaa baadal talaashne ke liye
umar bhar dhuup mein nahaae ham

vusat-e-sahraa bhi munh apnaa chhupaa kar nikli
saari duniyaa mire kamre ke baraabar nikli

baarish ne ik ThanDak laa di hai man mein
lekin mujh ko aag lagaani hai phir se

ek to marzi na thi jaane ko meri us taraf
tis pe dil aankhon se baaraan khuun kaa barsaataa rahaa

dekhnaa kam-nigahi kijiyo mat ai saaqi
ba-juz-ushshaaq hai mai sab ko baraabar pahunche