koi aisaa to tire baa'd nahin rahnaa thaa — Ahmad Ata

ab yahaan kaun nikaalegaa bhalaa duudh ki nahr
ishq kartaa hai tu jaisaa bhi hai achchhaa hai miyaan

naa-rasaai ne ajab taur sikhaae hain 'ataa'
yaani bhule bhi nahin tum ko pukaaraa bhi nahin

saDak pe baiTh gae dekhte hue duniyaa
aur aise tark hui ek khud-kushi ham se

vaisaa hi kharaab shakhs huun main
jaisaa koi chhoD kar gayaa thaa

main teri ruuh mein utraa huaa milungaa tujhe
aur is tarah ki tujhe kuchh khabar nahin honi

aaj dekhaa hai use aisi mohabbat se 'ataa'
vo yahi bhuul gayaa us ko kahin jaanaa thaa

kahun ai zauq kyaa haal-e-shab-e-hijr
ki thi ik ik ghaDi sau sau mahine

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

lamha-ba-lamha paanv se lipTi hain hijratein
kaise lagaate naam ki takhti makaan par