is se pahle ki be-vafaa ho jaaein — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

tilism-e-sheva-e-yaaraan khulaa to kuchh na huaa
kabhi ye habs-e-dil-o-jaan khule to baat chale

ek taraf ru-e-jaanaan thaa jalti aankh mein ek taraf
sayyaaron ki raakh mein milti raat thi ik bedaari ki

jo zakhm doston ne diye hain vo chhup to jaaein
par dushmanon ki samt se patthar koi to aae

har shaakh zard o surkh o siyah hijr-e-yaar mein
Daste hain dil ko aan ke juun naag ai basant