jo aae hashr mein vo sab ko maarte aae — Ahmad Husain Mail

mohabbat ne 'maail' kiyaa har kisi ko
kisi par kisi ko kisi par kisi ko

musalmaan kaafiron mein huun musalmaanon mein kaafir huun
ki quraan sar pe but aankhon mein hai zunnaar pahlu mein

jitne achchhe hain main huun un mein buraa
hain bure jitne un mein achchhaa huun

tum ko maalum javaani kaa mazaa hai ki nahin
khvaab hi mein kabhi kuchh kaam huaa hai ki nahin

niind se uTh kar vo kahnaa yaad hai
tum ko kyaa sujhi ye aadhi raat ko

naaz kar naaz tire naaz pe hai naaz mujhe
meri tanhaai hai partav tiri yaktaai kaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

gham hai na ab khushi hai na ummid hai na yaas
sab se najaat paae zamaane guzar gae

pyaaso raho na dasht mein baarish ke muntazir
maaro zamin pe paanv ki paani nikal paDe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai