niind se uTh kar vo kahnaa yaad hai — Ahmad Husain Mail

mohabbat ne 'maail' kiyaa har kisi ko
kisi par kisi ko kisi par kisi ko

musalmaan kaafiron mein huun musalmaanon mein kaafir huun
ki quraan sar pe but aankhon mein hai zunnaar pahlu mein

jitne achchhe hain main huun un mein buraa
hain bure jitne un mein achchhaa huun

tum ko maalum javaani kaa mazaa hai ki nahin
khvaab hi mein kabhi kuchh kaam huaa hai ki nahin

hai hukm-e-aam ishq alaihis-salaam kaa
puujo buton ko bhed kuchh in mein khudaa ke hain

naaz kar naaz tire naaz pe hai naaz mujhe
meri tanhaai hai partav tiri yaktaai kaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

vo ek aaina chehre ki baat kartaa hai
vo ek aaina patthar se hai ziyaada kyaa

zindagi naam hai judaai kaa
aap aae to mujh ko yaad aayaa

gham ki dhuup utarte hi kyuun pighalne lagti hai
yaad ke gharaunde mein mom ki bani khiDki

phir kisi bevafaa ki yaad aai
phir kisi ne liyaa vafaa kaa naam