misl-e-saraab hi sahi mere bane raho — Ahmad Sageer

zard mausam ne darakhton ki zabaan sil di thi
phir koi phuul hansaa aur khizaan haar gai

khudaa-yaa apne kun ki laaj rakh le
tiraa shahkaar zaae' ho rahaa hai

javaab aae na aae shikan to aaegi
savaal puchh hi lenaa agarche Darte hue

dastaras mein na rahe lafz-gari behtar hai
ham agar bol paDeinge to bahut boleinge

ajnabiyyat ki jhalak dekhi gai lahje mein
baat Darne ki hai is baat pe Dar jaaiye naa

zard chehron se udaasi ke bichhaDne kaa sabab
log puchheinge to kah denaa ki dukh haar gayaa

aashiqi mein bahut zaruri hai
bevafaai kabhi kabhi karnaa

kyaa kyaa fareb dil ko diye iztiraab mein
un ki taraf se aap likhe khat javaab mein

bahut fareb se ham vahshiyon ko vahshat hai
hamaare dasht mein 'naasikh' kahin saraab nahin

aankhein na jiine deingi tiri be-vafaa mujhe
kyuun khiDkiyon se jhaank rahi hai qazaa mujhe

ajab nahin ki ye dariyaa nazar kaa dhokaa ho
ajab nahin ki koi raasta nikal aae

husn ye hai ki dilrubaa ho tum
aib ye hai ki bevafaa ho tum