phir is ke baa'd patthar ho gayaa aaankhon kaa paani — Ahmad Shanas

bahut chhoTaa safar thaa zindagi kaa
main apne ghar ke andar tak na pahunchaa

baahar insaanon se nafrat hai lekin
ghar mein Dheron bachche paidaa karte hain

kaun qatre mein uThaataa hai talaatum
aur antar-aatmaa tak sinchtaa hai

chaand mein darvesh hai jugnu mein jogi
kaun hai vo aur kis ko khojtaa hai

saat qulzum hain mire siine mein
ek qatre se ubhaaraa thaa mujhe

main us ki pahchaan huun yaa vo meri
kyaa samjhun aur vo samjhaae kyaa kyaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

kisi ki yaad manaane mein iid guzregi
so shahr-e-dil mein bahut duur tak udaasi hai