sakht mashaqqat vaale din bhi kaaTe hain — Ahmad Waqas Mahrwi

qismat kaa miri haal bataaoge mujhe kyaa
mazdur ke haathon pe lakirein nahin hotin

vo jo anaa ki qaid mein ab tak hai mutmain
ab us ke lauTne kaa gumaan kis liye karein

mujhe paarsaai kaa daavaa nahin hai
farishta nahin main niraa aadmi huun

vaqt ke daaere mein rahte hue
thak chukaa huun hayaat sahte hue

mustaqbil ke khauf se sahmaa rahtaa huun
main ne buDhe peD ki aankhein dekhi hain

bun rahi hain jaal phir se makDiyaan
ek aavaara si makkhi ke liye

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

kahun ai zauq kyaa haal-e-shab-e-hijr
ki thi ik ik ghaDi sau sau mahine

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae