yahi ik mashghala hai zindagi kaa — Akhtar Saeedi

zakhm-e-nigaah zakhm-e-hunar zakhm-e-dil ke baad
ik aur zakhm tujh se bichhaD kar milaa mujhe

mujhe haasil kamaal-e-guftugu hai
ye main huun yaa mire lahje mein tu hai

kabhi khayaal ki surat kabhi sabaa ki tarah
vo kaun hai jo mire saath saath chaltaa hai

ravaan-davaan hai zindagi charaagh ke baghair bhi
hai mere ghar mein raushni charaagh ke baghair bhi

jab tishnagi baDhi to masihaa na thaa koi
jab pyaas bujh gai to samundar milaa mujhe

kam-umri mein sunet hain
mar jaate hain achchhe log

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai