zakhm-e-nigaah zakhm-e-hunar zakhm-e-dil ke baad — Akhtar Saeedi

mujhe haasil kamaal-e-guftugu hai
ye main huun yaa mire lahje mein tu hai

kabhi khayaal ki surat kabhi sabaa ki tarah
vo kaun hai jo mire saath saath chaltaa hai

ravaan-davaan hai zindagi charaagh ke baghair bhi
hai mere ghar mein raushni charaagh ke baghair bhi

jab tishnagi baDhi to masihaa na thaa koi
jab pyaas bujh gai to samundar milaa mujhe

yahi ik mashghala hai zindagi kaa
taaaqub kar rahaa huun raushni kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

bhuul shaayad bahut baDi kar li
dil ne duniyaa se dosti kar li

kyaa dil ki pyaas thi ki bujhaai na jaa saki
baadal nichoD ke na samundar taraash ke

pahle honaa thaa aaina dil ko
aur phir chur-chur honaa thaa

ishq ki fitrat ne yuun badlaa mazaaq-e-zindagi
jitne gham baDhne lage utni khushi hone lagi