ghamon ko bech rahaa huun main is liye shaayad — Amaan Ali Khan

khush-nasibi hai tumhaari sar pe hai jo maan kaa haath
ham yatimon ko pata hai ye du'aa kyaa chiiz hai

shab-e-gham ki yuun bhi main kartaa huun 'izzat
ye shab 'umr mein mujh se kaafi baDi hai

kuchh der to Dare tiri jaadugari se ham
phir dekhne lage tujhe sanjidgi se ham

us ne rakkhaa thaa haath saahil par
tab se dariyaa mein bhi sharaare hain

main ne dafnaae vaaldain apne
mujh se puchho ki hausla kyaa hai

saath jab chhoD gae meraa tum ai kuza-gar
khud ko majburi mein phir khud hi taraashaa main ne

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

itni na intishaar ki hiddat ho ru-ba-ru
insaan gham-e-hayaat mein jaltaa dikhaai de

jhuTi mahfil hai jhuTi tanhaai
ik tire 'ishq kaa bharam sachchaa