ji chaahtaa hai saane-e-qudrat pe huun nisaar — Amanat Lakhnavi

saanvle tan pe qabaa hai jo tire bhaari hai
laala kahtaa hai chaman mein ki ye 'girdhaari' hai

sarv ko dekh ke kahtaa hai dil-e-basta-e-zulf
ham giraftaar hain is baagh mein aazaad hain sab

kis tarah 'amaanat' na rahun gham se main dil-gir
aankhon mein phiraa karti hai ustaad ki surat

bosa aankhon kaa jo maangaa to vo hans kar bole
dekh lo duur se khaane ke ye baadaam nahin

gaali ke sivaa haath bhi chaltaa hai ab un kaa
har roz nai hoti hai bedaad ki surat

daaman pe loTne lage gir gir ke tifl-e-ashk
roe firaaq mein to dil apnaa bahal gayaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

tum jise yaad karo phir use kyaa yaad rahe
na khudaai ki ho parvaa na khudaa yaad rahe

tanhaaiyaan tumhaaraa pata puchhti rahin
shab-bhar tumhaari yaad ne sone nahin diyaa

kitne naadaan hain tire bhulne vaale ki tujhe
yaad karne ke liye umr paDi ho jaise

izhaar ki ye bhi surat thi
khaamoshi ko fariyaad kiyaa