chhute hi aashaaein bikhrin jaise sapne TuuT gae — Ameeq Hanafi

dil mein dukh aankhon mein nami aasmaan par ghaTaaein
andar baahar is or us or har or baadal

phuul khile hain likhaa huaa hai toDo mat
aur machal kar ji kahtaa hai chhoDo mat

donon kaa milnaa mushkil hai donon hain majbur bahut
us ke paanv mein mehndi lagi hai mere paanv mein chhaale hain

cigarette jise sulagtaa huaa koi chhoD de
us kaa dhuaan huun aur pareshaan dhuaan huun main

ishq ke hijje bhi jo na jaanein vo hain ishq ke daavedaar
jaise ghazlein raT kar gaate hain bachche schōl mein

ek usi ko dekh na paae varna shahr ki saDkon par
achchhi achchhi poshaakein hain achchhi surat vaale hain

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

ham kis ko dikhaate shab-e-furqat ki udaasi
sab khvaab mein the raat ko bedaar hamin the

husn-e-qismat se hamesha 'fitrat'
bakht bedaar rahaa khvaabon mein

dil pareshaan ho magar aankh mein hairaani na ho
khvaab dekho ki haqiqat se pashimaani na ho

muddat se khvaab mein bhi nahin niind kaa khayaal
hairat mein huun ye kis kaa mujhe intizaar hai