hijr ki anjuman se har saaat — Amjad Islam Amjad

kamaal-e-husn hai husn-e-kamaal se baahar
azal kaa rang hai jaise misaal se baahar

tiir aayaa thaa jidhar ye mire shahr ke log
kitne saadaa hain ki marham bhi vahin dekhte hain

vo saamne hai phir bhi dikhaai na de sake
mere aur us ke beach ye divaar kaun hai

jis taraf tu hai udhar hongi sabhi ki nazrein
iid ke chaand kaa didaar bahaana hi sahi

tumhi ne kaun si achchhaai ki hai
chalo maanaa ki main achchhaa nahin thaa

be-samar peDon ko chumeinge sabaa ke sabz lab
dekh lenaa ye khizaan be-dast-o-paa rah jaaegi

ham-nashin dekhi nahusat daastaan-e-hijr ki
sohbatein jamne na paai thiin ki barham ho gaiin

shab-e-hijr jab khvaab dekhaa ye dekhaa
ki tujh ko gale se lagaae hue hain

tujh hijr ki agan kuun bujhaane ai sang dil
koi aab-zan-rafiq ba-juz chashm-e-tar nahin

na paayaa vaqt ai zaahid koi main ne ibaadat kaa
shab-e-hijraan hui aakhir to subh-e-intizaar aai

dekh kar tul-e-shab-e-hijr duaa kartaa huun
vasl ke roz se bhi umr miri kam ho jaae

kabhi duniyaa mein phir na hogi sahar
hijr ki shab agar sahar na hui