kuDe-daanon mein laash ki surat — Anam Shahzadi

jaise dimak-zada koi lakDi
yuun tiraa hijr khaae jaataa hai

mire dil mein december jam gayaa hai
pighal kar saal bhar bahtaa rahegaa

kyaa musibat hai zindagi yaani
mujh ko jiinaa paDegaa marne tak

main samajhti huun jise yaum-e-vilaadat apnaa
dar-haqiqat vo miri maut kaa pahlaa din thaa

jo alag ho gayaa thaa jhurmuT se
us parinde ki khair ho maulaa

teri yaadon ki baandh kar gaThDi
main bahut duur pheink aai huun

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

kisi se ishq apnaa kyaa chhupaaein
mohabbat Tapki paDti hai nazar se

sajda-e-ishq pe tanqid na kar ai vaaiz
dekh maathe pe abhi chaand numaayaan hogaa

naasehaa puchhte phirte hain sabab uljhan kaa
'ishq gar khud ye karein hosh Thikaane lag jaaein

husn jalva dikhaa gayaa apnaa
ishq baiThaa rahaa udaas kahin