main aise dar kaa gadaa huun jahaan pe moti kyaa — Anjum Barabankvi

ghair to aansu pochheinge
dhokaa deinge apne log

ye baadshaah nahin hai faqir hai suraj
hamesha raat ki jholi se din nikaaltaa hai

mujhe sone ki qimat mat bataao
main miTTi huun miri azmat bahut hai

jo doston ki mohabbat se ji nahin bhartaa
to aastin mein do-chaar saanp paal ke rakh

jis baat kaa matlab khushbu hai har gaanv ke kachche raste par
us baat kaa matlab badlegaa jab pakki saDak aa jaaegi

zaraa mahfuz raston se guzarnaa
tumhaari shahr mein shohrat bahut hai

kaajal mehndi paan misi aur kanghi choTi mein har aan
kyaa kyaa rang banaavegi aur kyaa kyaa naqshe Dhaalegi

bas ai 'mir' mizhgaan se ponchh aansuon ko
tu kab tak ye moti pirotaa rahegaa

phire raah se vo yahaan aate aate
ajal mar rahi tu kahaan aate aate

aap ko marnaa hai to pahle se notice dijiye
yaa'ni jurm-e-intiqaal-e-naa-gahaan mat kijiye

'qaaem' hayaat-o-marg-e-buz-o-gaav mein hain nafa
is mardumi ke shor pe kis kaam kaa huun main

iltijaa karte hue pyaasaa parinda mar gayaa
ab to dariyaa ko hayaa se Duub marnaa chaahiye