kājal mehñdī paan misī aur kañghī choTī meñ har aan — Nazeer Akbar Abadi

ham haal to kah sakte haiñ apnā pa kaheñ kyā
jab vo idhar aate haiñ to tanhā nahīñ aate

go safedī mū kī yuuñ raushan hai juuñ āb-e-hayāt
lekin apnī to isī zulmāt se thī zindagī

yuuñ to ham the yūñhī kuchh misl-e-anār-o-mahtāb
jab hameñ aag dikhā.e to tamāshā niklā

qismat meñ gar hamārī ye mai hai to sāqiyā
be-iḳhtiyār aap se shīsha karegā jast

chamak hai dard hai kauñdan paḌī hai huuk uThtī hai
mire pahlū meñ kyuuñ yaaro ye dil hai yā ki phoḌā hai

ishq kā duur kare dil se jo dhaḌkā ta.avīz
is dhaḌāke kā koī ham ne na dekhā ta.avīz

kaan meñ hai tere motī āb-dār
yā kisī āshiq kā aañsū bolnā

muflisoñ kī zindagī kā zikr kyā
muflisī kī maut bhī achchhī nahīñ

havas ko hai nashāt-e-kār kyā kyā
na ho marnā to jiine kā mazā kyā

DhūñD ujḌe hue logoñ meñ vafā ke motī
ye ḳhazāne tujhe mumkin hai ḳharāboñ meñ mileñ

paas jab tak vo rahe dard thamā rahtā hai
phailtā jaatā hai phir aañkh ke kājal kī tarah

vidā.a kartī hai rozāna zindagī mujh ko
maiñ roz maut ke mañjdhār se nikaltā huuñ