ham se vafaa-shiaar ko bhi tere ru-ba-ru — Anwar Jamal Anwar

sach ye hai ham hi mohabbat kaa sabaq paDh na sake
varna an-paDh to na the ham ko paDhaane vaale

shahr ki galiyon aur saDkon par phirte hain maayusi mein
kaash koi 'anvar' se puchhe aise be-ghar kitne hain

tumhaare dil mein koi aur bhi hai mere sivaa
gumaan to hai zaraa saa magar yaqin nahin

husn aisaa ki zamaane mein nahin jis ki misaal
aur jamaal aisaa ki DhunDaa kare har khvaab-o-khayaal

ham fitratan insaan hain farishte to nahin hain
daavaa ye karein kaise ki laghzish nahin karte

kaisaa maqaam aayaa mohabbat ki raah mein
dil ro rahaa hai meraa magar aankh tar nahin

maashuqon se ummid-e-vafaa rakhte ho 'naasikh'
naadaan koi duniyaa mein nahin tum se ziyaada

aankhein na jiine deingi tiri be-vafaa mujhe
kyuun khiDkiyon se jhaank rahi hai qazaa mujhe

chhoD aate hain har jaanib kuchh naqsh-e-vafaa apne
ham ziist ki raahon se jis vaqt guzarte hain

is aalam-e-faani mein sadaa kaun rahaa hai
ik naam hai allaah kaa ik naqsh-e-vafaa hai

vafaa ke shahr mein ab log jhuuT bolte hain
tu aa rahaa hai magar sach ko maantaa hai to aa

ghair vafaa mein pukhta hain yuun hi sahi pa mujh saa bhi
ek tiri janaab mein khaam rahaa to kyaa huaa