kuchh samajh mein miri nahin aataa — Anwar Taban

hanste hanste nikal paDe aansu
rote rote kabhi hansi aai

khushi ki baat aur hai ghamon ki baat aur
tumhaari baat aur hai hamaari baat aur

har ek shakhs miraa shahr mein shanaasaa thaa
magar jo ghaur se dekhaa to main akelaa thaa

shaayad aa jaae kabhi dekhne vo rashk-e-masih
main kisi aur se is vaaste achchhaa na huaa

ji to ye chaahtaa hai mar jaaein
zindagi ab tiri razaa kyaa hai

sukun qalb ko jis se mil jaae 'taabaan'
ghazal koi aisi sunaa dijiyegaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

baadalon ne aaj barsaayaa lahu
amn kaa har faakhta rone lagaa

uDti hai khaak dil ke darichon ke aas-paas
shaayad makin koi nahin is makaan mein

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi

dil to pahle hi judaa the yahaan basti vaalo
kyaa qayaamat hai ki ab haath milaane se gae