baraae-naam sahi koi mehrbaan to hai — Aqeel Shadab

khirad ki aag mein sadiyon jale badan lekin
dil-o-dimaagh se bu-e-munaafirat na gai

zindagi jis ke tasavvur mein basar ki ham ne
haae vo shakhs haqiqat mein kahaani niklaa

miri talaash mein hai koi aisaa lagtaa hai
kisi kaa gum-shuda 'shaadaab' rakht huun shaayad

jo apne aap se baDh kar hamaaraa apnaa thaa
use qarib se dekhaa to duur kaa niklaa

shaayad koi kami mere andar kahin pe hai
main aasmaan pe huun miraa saaya zamin pe hai

aandhiyaan sab kuchh uDaa kar le gaiin
peD par patta na phal daaman mein thaa

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai