chaman mein kaun hai pursaan-e-haal shabnam kaa — Arsh Malsiyani

jitni vo mire haal pe karte hain jafaaein
aataa hai mujhe un ki mohabbat kaa yaqin aur

— Arsh Malsiyani

ishq-e-butaan kaa le ke sahaaraa kabhi kabhi
apne khudaa ko ham ne pukaaraa kabhi kabhi

— Arsh Malsiyani

mohabbat soz bhi hai saaz bhi hai
khamoshi bhi hai ye aavaaz bhi hai

— Arsh Malsiyani

maut hi insaan ki dushman nahin
zindagi bhi jaan le kar jaaegi

— Arsh Malsiyani

ik raushni si dil mein thi vo bhi nahin rahi
vo kyaa gae charaagh-e-tamannaa bujhaa gae

— Arsh Malsiyani

saaqi miri khamosh-mizaaji ki laaj rakh
iqraar gar nahin hai to inkaar bhi nahin

— Arsh Malsiyani

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood