miri nigaah rahe sirf ru-e-qaatil par — Asad Awan

khud-bakhud chhoD gae hain to chalo Thiik huaa
itne ahbaab kahaan ham se sanbhaale jaate

nit-nayaa tu ne zamaane mein kharidaa badlaa
tere kahne pe kahaan ham ne aqida badlaa

umr-bhar maan ki nasihat pe zamaane mein 'asad'
faatima-zehraa ke bachchon se vafaadaari ki

is mohabbat ne hamein joD diyaa aapas mein
varna ham donon kaa ik jaisaa aqida to na thaa

koi to dekhe miri bebasi mohabbat mein
main aap apni jahaan mein hansi uDaataa phirun

guzar na jaae ye mausam basant kaa mausam
banafsha phuul khile har taraf zamin ke liye

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ai chaman vaalo chaman mein yuun guzaaraa chaahiye
baaghbaan bhi khush rahe raazi rahe sayyaad bhi

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

charaag chaand shafaq shaam phuul jhiil sabaa
churaain sab ne hi kuchh kuchh shabaahatein teri