zakhm siine pe hue itne ki siine se rahe — Asad Awan

khud-bakhud chhoD gae hain to chalo Thiik huaa
itne ahbaab kahaan ham se sanbhaale jaate

nit-nayaa tu ne zamaane mein kharidaa badlaa
tere kahne pe kahaan ham ne aqida badlaa

umr-bhar maan ki nasihat pe zamaane mein 'asad'
faatima-zehraa ke bachchon se vafaadaari ki

is mohabbat ne hamein joD diyaa aapas mein
varna ham donon kaa ik jaisaa aqida to na thaa

koi to dekhe miri bebasi mohabbat mein
main aap apni jahaan mein hansi uDaataa phirun

guzar na jaae ye mausam basant kaa mausam
banafsha phuul khile har taraf zamin ke liye

mat dekh ki phirtaa huun tire hijr mein zinda
ye puchh ki jiine mein maza hai ki nahin hai

is balaa ko to khudaa jald kare shahr-badar
kaale paani ko ravaana shab-e-hijraan ho jaae

siine ke zor se bhi mu bhar nahin ukasti
in rozon hijr ki sil ye bhaari ho gai hai

ai shab-e-hijraan ziyaada paanv phailaati hai kyuun
bhar gayaa jitnaa hamaari umr kaa paimaana thaa

kis qadar hijr mein behoshi hai
jaagnaa bhi hai hamaaraa sonaa

raat thaa vasl aaj hijr kaa din
kuchh zamaane kaa e'tibaar nahin