haae vo vaqt ki jab be-piye mad-hoshi thi — Asrarul Haq Majaz

tum ne to hukm-e-tark-e-tamannaa sunaa diyaa
kis dil se aah tark-e-tamannaa kare koi

taskin-e-dil-e-mahzun na hui vo sai-e-karam farmaa bhi gae
is sai-e-karam ko kyaa kahiye bahlaa bhi gae taDpaa bhi gae

Dubo di thi jahaan tufaan ne kashti
vahaan sab the khudaa kyaa naa-khudaa kyaa

yaa to kisi ko jurat-e-didaar hi na ho
yaa phir miri nigaah se dekhaa kare koi

ham arz-e-vafaa bhi kar na sake kuchh kah na sake kuchh sun na sake
yaan ham ne zabaan hi kholi thi vaan aankh jhuki sharmaa bhi gae

tumhin to ho jise kahti hai naakhudaa duniyaa
bachaa sako to bachaa lo ki Dubtaa huun main

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

khudaa ke saamne jo sar yaqin ke saath jhuk jaae
kisi taaqat ke aage phir kabhi vo kham nahin hotaa

paanv zakhmi hue aur duur hai manzil 'vaasif'
khun-e-aslaaf ki azmat ko jagaa luun to chalun

mar gayaa huun pe ta'alluq hai ye mai-khaane se
mere hisse ki chhalak jaati hai paimaane se

aaj bhi zakhm hi khilte hain sar-e-shaakh-e-nihaal
nakhl-e-khvaahish pe vahi be-samari rahnaa thi