tum mohabbat ko khel kahte ho — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

raas aaegi mohabbat us ko
jis se hote nahin vaade puure

hangaam-e-qanaaat dil-e-murda huaa zinda
mazmun-e-qum eajaaz-e-lab-e-naan-e-javin thaa

pyaar apne pe jo aataa hai to kyaa karte hain
aaina dekh ke munh chuum liyaa karte hain

main to miTTi ho rahaa thaa ishq mein lekin 'ataa'
aa gai mujh mein kahin se be-dimaaghi 'mir' ki