nahin hai khvaab divaane kaa hasti — Bilqis Zafirul Hasan

teri to 'bilqis' niraali hi baatein hain
is duniyaa mein kaise tiraa guzaaraa hogaa

apni to koi baat banaae nahin bani
kuchh ham na kah sake to kuchh us ne nahin suni

hai yuun ki kuchh to baghaavat-sirisht ham bhi hain
sitam bhi us ne zarurat se kuchh ziyaada kiyaa

uTh kar chale gae to kabhi phir na aaeinge
phir laakh tum bulaao sadaaein diyaa karo

dahshat-zada zamin par vahshat bhare makaan ye
is shahr-e-be-amaan kaa aakhir koi khudaa hai

dar badar ki khaak thi taqdir mein
ham liye kaandhon pe ghar chalte rahe

avval to be-vafaaon ki arvaah khinchtaa
maut-o-hayaat hoti agar ikhtiyaar mein

zarbul-masal hai hote hain maashuq be-vafaa
ye kuchh tumhaaraa zikr nahin hai khafaa na ho

itne fareb khaae hain qurbat mein yaar ki
'mohsin' fareb aur bhi khaayaa na jaaegaa

ye khud-e-farebi-e-ehsaas-e-aarzu to nahin
tiri talaash kahin apni justuju to nahin

fareb khaane ko pesha banaa liyaa ham ne
jab ek baar vafaa kaa fareb khaa baiThe

ye bhi fareb se hain kuchh dard aashiqi ke
ham mar ke kyaa kareinge kyaa kar liyaa hai ji ke