is tarah hasrat-e-didaar nikal kar aai — Deepak Agrawal

mire saath koi to ho jise main ye kah sakun
main kise kahun mujhe chhoD de mire haal par

yahaan darvaaze dastak de rahe hain
havaa ne khel ulTaa kar diyaa hai

yuun kinaare se mohabbat na kiyaa kar ham se
is se behtar hai mohabbat se kinaaraa kar le

rang bharte hain saadgi mein sab
main ne rangon ko saadgi di hai

maidaan mein akelaa nihatthaa khaDaa thaa main
dushman ko meri nekiyaan lashkar dikhaai diin

dekh le mujh ko andhere mein nazar aataa huun main
chikhne vaale tire andar kaa sannaaTaa huun main

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

marte hain aarzu mein marne ki
maut aati hai par nahin aati

main 'hasrat' mujtahid huun but-parasti ki tariqat kaa
na puchho mujh ko kaisaa kufr hai islaam kyaa hogaa

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere

zindagi ki baat sun kar kyaa kahein
ik tamannaa thi taqaazaa ban gai

miri aarzu-e-rusvaa na chhupegi 'hosh' mujh se
ki miri nigaah mein hai mire dard kaa fasaana