barsaat muflison ki sadaa se raqib hai — Dr. Jafar Askari

mullaa tiri akaD se ye hone lagaa gumaan
jaise khudaa zamin pe numudaar ho gayaa

niind aati hi nahin thi aagahi ke dard se
maut ne aaghosh mein le kar sulaayaa hai mujhe

chhin leti hai aadmi kaa vaqaar
muflisi bhi 'azaab hai yaaro

miT jaaegi vatan se jahaalat ki tirgi
vo dekh inqalaab kaa suraj qarib hai

ik maan ke dam se ziist mein raunaq thi barqaraar
ab vo nahin to raunaq-e-bazm-e-jahaan nahin

mazhab se us ke dil mein na paidaa huaa gudaaz
ye aadmi to aur bhi saffaak ho gayaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

'sadaa' ke paas hai duniyaa kaa tajraba vaaiz
tumhaari baat mein bas falsafa kitaab kaa hai

is Dar se rok rakkhe hain aansu 'said' ne
aanchal na bhiig jaae kisi gul-jabin kaa

sirf darvaaze talak jaa ke hi lauT aayaa huun
aisaa lagtaa hai ki sadiyon kaa safar kar aayaa