'ehsaan' apnaa koi bure vaqt kaa nahin — Ehsan Danish Kandhlvi

main jis raftaar se tufaan ki jaanib baDhtaa jaataa huun
usi raftaar se nazdik saahil hotaa jaataa hai

ye uDi uDi si rangat ye khule khule se gesu
tiri subh kah rahi hai tiri raat kaa fasaana

zakhm pe zakhm khaa ke ji apne lahu ke ghunT pi
aah na kar labon ko si ishq hai dil-lagi nahin

aaj us ne hans ke yuun puchhaa mizaaj
umr bhar ke ranj-o-gham yaad aa gae

rahtaa nahin insaan to miT jaataa hai gham bhi
so jaaeinge ik roz zamin oDh ke ham bhi

husn ko duniyaa ki aankhon se na dekh
apni ik tarz-e-nazar ijaad kar

bhaTak ke raah se ham sab ko aazmaa aae
fareb de gae jitne bhi rahnumaa aae

mujhi ko parda-e-hasti mein de rahaa hai fareb
vo husn jis ko kiyaa jalva-aafrin main ne

fariyaad ai tasavvur-e-abru-e-dil-fareb
qible ki samt bhuul gayaa huun namaaz mein

ishq mein sachchaa thaa vo meri tarah
bevafaa to aazmaane se huaa

bos-o-kanaar ke liye ye sab fareb hain
izhaar-e-paak-baazi o zauq-e-nazar ghalat

mohabbat tu mat kar dil us bevafaa se
dil us bevafaa se mohabbat tu mat kar