vo tamaashaa o khel holi kaa — Faez Dehlvi

tujh ko hai ham se judaai aarzu
mere dil mein shauq hai didaar kaa

mujh ko auron se kuchh nahin hai kaam
tujh se har dam umid-vaari hai

raat din tu rahe raqibaan-sang
dekhnaa teraa mujh muhaal huaa

guD siin miThaa hai bosa tujh lab kaa
is jalebi mein qand o shakkar hai

husn be-saakhta bhaataa hai mujhe
surma ankhiyaan mein lagaayaa na karo

tujh badan par jo laal saari hai
aql us ne miri bisaari hai

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

tum se mile to khud se ziyaada
tum ko akelaa paayaa ham ne

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

koi shikva na gham na koi yaad
baiThe baiThe bas aankh bhar aai

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi