dekh ke jis ko dil dukhtaa thaa — Farhat Shahzad

saut kyaa shai hai khaamushi kyaa hai
gham kise kahte hain khushi kyaa hai

itni pi jaae ki miT jaae main aur tu ki tamiz
yaani ye hosh ki divaar giraa di jaae

zindagi kaT gai manaate hue
ab iraada hai ruuTh jaane kaa

ham se tanhaai ke maare nahin dekhe jaate
bin tire chaand sitaare nahin dekhe jaate

aziiz mujh ko hain tufaan saahilon se sivaa
isi liye hai khafaa meraa naakhudaa mujh se

baat apni anaa ki hai varna
yuun to do haath par kinaaraa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil to dil afai-e-gesu vo balaa hai kaafir
is kaa kaaTaa koi afi bhi na paani maange

siyah-bakhti kaa saaya dida-o-dil par hai yuun taari
ki ik muddat se mere din bhi kajlaae hue se hain

aaj bhi naqsh hain dil par tiri aahaT ke nishaan
ham ne us raah se auron ko guzarne na diyaa

bas jaan gayaa main tiri pahchaan yahi hai
tu dil mein to aataa hai samajh mein nahin aataa