ham se tanhaai ke maare nahin dekhe jaate — Farhat Shahzad

saut kyaa shai hai khaamushi kyaa hai
gham kise kahte hain khushi kyaa hai

itni pi jaae ki miT jaae main aur tu ki tamiz
yaani ye hosh ki divaar giraa di jaae

zindagi kaT gai manaate hue
ab iraada hai ruuTh jaane kaa

aziiz mujh ko hain tufaan saahilon se sivaa
isi liye hai khafaa meraa naakhudaa mujh se

ye zamin khvaab hai aasmaan khvaab hai
ik makaan hi nahin laa-makaan khvaab hai

baat apni anaa ki hai varna
yuun to do haath par kinaaraa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

laazim kahaan ki saaraa jahaan khush-libaas ho
mailaa badan pahan ke na itnaa udaas ho

udaasi raastaa batlaa rahi hai haath pakDe yuun
pata maa'lum ho jaise hamaari maut kaa is ko

paani ki maujon pe likkhi hai lamhon ki be-ruh kahaani
kyaa paayaa hai kyaa khoyaa hai main sadiyon se khoj rahaa huun