harf jaise ho gae saare munaafiq ek dam — Farhat Shahzad

saut kyaa shai hai khaamushi kyaa hai
gham kise kahte hain khushi kyaa hai

itni pi jaae ki miT jaae main aur tu ki tamiz
yaani ye hosh ki divaar giraa di jaae

zindagi kaT gai manaate hue
ab iraada hai ruuTh jaane kaa

ham se tanhaai ke maare nahin dekhe jaate
bin tire chaand sitaare nahin dekhe jaate

aziiz mujh ko hain tufaan saahilon se sivaa
isi liye hai khafaa meraa naakhudaa mujh se

baat apni anaa ki hai varna
yuun to do haath par kinaaraa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kartaa hai ai 'asar' dil-e-khun-gashta kaa gila
aashiq vo kyaa ki khasta-e-tegh-e-jafaa na ho

dil-e-haris hi apnaa na ho sakaa qaane
vagarna tere karam mein to kuchh kami na rahi

main vo sahraa jise paani ki havas le Duubi
tu vo baadal jo kabhi TuuT ke barsaa hi nahin

mujh se kyaa puchhte ho daagh hain dil mein kitne
tum ko ayyaam-e-judaai kaa shumaar aataa hai