yahi hai daur-e-gham-e-aashiqi to kyaa hogaa — Farigh Bukhari

safar mein koi kisi ke liye Thahartaa nahin
na muD ke dekhaa kabhi saahilon ko dariyaa ne

pukaaraa jab mujhe tanhaai ne to yaad aayaa
ki apne saath bahut mukhtasar rahaa huun main

do dariyaa bhi jab aapas mein milte hain
donon apni apni pyaas bujhaate hain

tumhaare saath hi us ko bhi Duub jaanaa hai
ye jaantaa hai musaafir tire safine kaa

hazaar tark-e-vafaa kaa khayaal ho lekin
jo ru-ba-ru hon to baDh kar gale lagaa lenaa

jitne the tere mahke hue aanchalon ke rang
sab titliyon ne aur dhanak ne uDaa liye

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kiyaa dard-o-gham ne mujhe naa-umid
ki majnun ko ye hi thiin bimaariyaan

hamaare she'r naghme aur sajde
adaa jo ho na paae kyaa hue vo

main phir rahaa huun shahr mein saDkon pe ghaaliban
aavaaz de ke mujh ko miraa ghar pukaar le