koi nahin hai mere jaisaa chaaron or — Fatima Hasan

raat dariche tak aa kar ruk jaati hai
band aankhon mein us kaa chehra rahtaa hai

sukun-e-dil ke liye ishq to bahaana thaa
vagarna thak ke kahin to Thahar hi jaanaa thaa

ulajh ke rah gae chehre miri nigaahon mein
kuchh itni tezi se badle the un ki baat ke rang

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

bhuul gai huun kis se meraa naata thaa
aur ye naata kaise TuuTaa bhuul gai

main ne maan kaa libaas jab pahnaa
mujh ko titli ne apne rang diye

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

sunte hi ho ke ham-aaghosh kahaa hans ke tujhe
dard-e-dil ki hai davaa aur bhi darkaar ki bas

khush na ho aansuon ki baarish par
barq hai chashm-e-tar ke pahlu mein

gunaahon ne mujhe jakDaa huaa hai is tarah 'tanhaa'
ki lahza-bhar ibaadat bhi sazaa maalum hoti hai