nae bachchon ko chaahat hai nae mahnge khilaunon ki — Fay Seen Ejaz

tujh ko manzur nahin mujh ko hai ab bhi manzur
meri qurbat mire bose mujhe vaapas kar de

main kahaan aayaa huun laae hain tiri mahfil mein
miri vahshat mire majbur qadam aap hi aap

ab ke ruThe to manaane nahin aayaa koi
baat baDh jaae to ho jaati hai kam aap hi aap

mil rahi hai mujhe naa-karda gunaahon ki sazaa
mere maalik mire sajde mujhe vaapas kar de

yahi din hain barat le jitne zevar teraa ji chaahe
Dhalegi umr to ye chaandi sonaa kaun dekhegaa

miraa rotaa bachcha bahaltaa thaa jis se
vo lakDi kaa haathi uThaa le gayaa vo

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa