kahte hain eid hai aaj apni bhi eid hoti — Ghulam Bhik Nairang

dard ulfat kaa na ho to zindagi kaa kyaa mazaa
aah-o-zaari zindagi hai be-qaraari zindagi

aah! kal tak vo navaazish! aaj itni be-rukhi
kuchh to nisbat chaahiye anjaam ko aaghaaz se

mere pahlu mein tum aao ye kahaan mere nasib
ye bhi kyaa kam hai tasavvur mein to aa jaate ho

naaz ne phir kiyaa aaghaaz vo andaaz-e-niyaaz
husn-e-jaan-soz ko phir soz kaa daavaa hai vahi

mahv-e-did-e-chaman-e-shauq hai phir dida-e-shauq
gul-e-shaadaab vahi bulbul-e-shaidaa hai vahi

daana-o-daam sambhaalaa mire sayyaad ne phir
apni gardan hai vahi ishq kaa phandaa hai vahi

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

ik lafz-e-mohabbat kaa adnaa ye fasaanaa hai
simTe to dil-e-aashiq phaile to zamaana hai

khuub gahri jo lagi choT to ham ne jaanaa
vaqt lagtaa hai kisi dard ko jaate jaate

be-khudi le gai kahaan ham ko
der se intizaar hai apnaa

taajjub kuchh nahin 'daanaa' jo baazaar-e-siyaasat mein
qalam bik jaaein to sach baat likhnaa chhoD dete hain