aane vaale kisi tufaan kaa ronaa ro kar — Hafeez Jalandhari

ai miri jaan apne ji ke sivaa
kaun teraa hai kaun meraa hai

'hafiz' apni boli mohabbat ki boli
na urdu na hindi na hindostaani

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

vafaa jis se ki bevafaa ho gayaa
jise but banaayaa khudaa ho gayaa

dekhaa jo khaa ke tiir kamin-gaah ki taraf
apne hi doston se mulaaqaat ho gai

adaavatein thin, taghaaful thaa, ranjishein thiin bahut
bichhaDne vaale mein sab kuchh thaa, bevafaai na thi

koi sannaaTaa saa sannaaTaa hai
kaash tufaan uThaa de koi

chalo ham bhi vafaa se baaz aae
mohabbat koi majburi nahin hai

paas-e-aadaab-e-vafaa thaa ki shikasta-paai
be-khudi mein bhi na ham had se guzarne paae

shikaayat us se nahin apne-aap se hai mujhe
vo bevafaa thaa to main aas kyuun lagaa baiThaa

baDe baa-vafaa the mire yaar sab
musibat mein jab tak pukaaraa na thaa