vo baad-e-muddat milaa to rone ki aarzu mein — Hasan Abbasi

kabhi jo aankhon ke aa gayaa aaftaab aage
tire tasavvur mein ham ne kar li kitaab aage

us ajnabi se haath milaane ke vaaste
mahfil mein sab se haath milaanaa paDaa mujhe

hasin yaadon ke chaand ko alvidaaa kah kar
main apne ghar ke andhere kamron mein lauT aayaa

mohabbat mein kaThin raste bahut aasaan lagte the
pahaaDon par suhulat se chaDhaa karte the ham donon

mujh ko maalum thaa ik roz chalaa jaaegaa!
vo miri umr ko yaadon ke havaale kar ke

aaj teri yaad se Takraa ke TukDe ho gayaa
vo jo sadiyon se luDhaktaa ek patthar mujh mein thaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

main ne apni palkon par gham-kade sajaae hain
aarzu ke maatam mein sogvaar hasti hai

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa