aankhon mein utarte hue itraaein sitaare — Idris Babar

haath duniyaa kaa bhi hai dil ki kharaabi mein bahut
phir bhi ai dost tiri ek nazar se kam hai

aaj to jaise din ke saath dil bhi ghurub ho gayaa
shaam ki chaae bhi gai maut ke Dar ke saath saath

maut ki pahli alaamat saahib
yahi ehsaas kaa mar jaanaa hai

ab to mushkil hai kisi aur kaa honaa mire dost
tu mujhe aise huaa jaise corona mire dost

tu bhi ho main bhi huun ik jagah pe aur vaqt bhi ho
itni gunjaaishein rakhti nahin duniyaa mire dost!

tenshan se maregaa na corone se maregaa
ik shakhs tire paas na hone se maregaa

ik raat dil-jalon ko ye aish-e-visaal de
phir chaahe aasmaan jahannam mein Daal de

bachchon ke chhoTe haathon ko chaand sitaare chhune do
chaar kitaabein paDh kar ye bhi ham jaise ho jaaeinge

main takiye par sitaare bo rahaa huun
janam-din hai akelaa ro rahaa huun

kahkashaaein miri miTTi ki taraf aati huiin
mire zarraat sitaaron ki taraf jaate hue

naqsh-e-hairat ban gai duniyaa sitaaron ki tarah
sab ki sab aankhein khuli hain jaagtaa koi nahin

falak se ghurti hain mujh ko be-shumaar aankhein
na chain aataa hai ji ko na raat Dhalti hai