khulaa fareb-e-mohabbat dikhaai detaa hai — Iftikhar Arif

khvaab ki tarah bikhar jaane ko ji chaahtaa hai
aisi tanhaai ki mar jaane ko ji chaahtaa hai

beTiyaan baap ki aankhon mein chhupe khvaab ko pahchaanti hain
aur koi dusraa is khvaab ko paDh le to buraa maanti hain

duaaein yaad karaa di gai thiin bachpan mein
so zakhm khaate rahe aur duaa diye gae ham

vafaa ki khair manaataa huun bevafaai mein bhi
main us ki qaid mein huun qaid se rihaai mein bhi

raas aane lagi duniyaa to kahaa dil ne ki jaa
ab tujhe dard ki daulat nahin milne vaali

miTTi ki mohabbat mein ham aashufta-saron ne
vo qarz utaare hain ki vaajib bhi nahin the

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

ghussa aataa hai pyaar aataa hai
ghair ke ghar se yaar aataa hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye

niind ke ghar mein hain khvaab aane lage
'ishq hai naachtaa aankh ke sahn mein