tiri duuri kaa mujh ko gham nahin hai — Jagan Nath Azad

kinaare hi se tufaan kaa tamaashaa dekhne vaale
kinaare se kabhi andaaza-e-tufaan nahin hotaa

bahaar aate hi Takraane lage kyuun saaghar o miinaa
bataa ai pir-e-mai-khaana ye mai-khaanon pe kyaa guzri

chalte rahe ham tund havaaon ke muqaabil
'aazaad' charaagh-e-tah-e-daamaan na rahe ham

ik baar agar qafas ki havaa raas aa gai
ai khud-fareb phir havas-e-baal-o-par kahaan

niind kyaa hai zaraa si der ki maut
maut kyaa kyaa hai tamaam umr ki niind

is se ziyaada daur-e-junun ki khabar nahin
kuchh be-khabar se aap the kuchh be-khabar se ham

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kahin sher o naghma ban ke kahin aansuon mein Dhal ke
vo mujhe mile to lekin kai suratein badal ke

bechaini ke lamhe saansein patthar ki
sadiyon jaise din hain raatein patthar ki

vo jis ghamanD se bichhDaa gila to is kaa hai
ki saari baat mohabbat mein rakh-rakhaav ki thi