vaae-aashiq-e-naadaan kaaenaat ye teri — Kaif Bhopali

teraa chehra kitnaa suhaanaa lagtaa hai
tere aage chaand puraanaa lagtaa hai

kaun aaegaa yahaan koi na aayaa hogaa
meraa darvaaza havaaon ne hilaayaa hogaa

aag kaa kyaa hai pal do pal mein lagti hai
bujhte bujhte ek zamaanaa lagtaa hai

saaya hai kam khajur ke unche darakht kaa
ummid baandhiye na baDe aadmi ke saath

maan ki aaghosh mein kal maut ki aaghosh mein aaj
ham ko duniyaa mein ye do vaqt suhaane se mile

'mir-taqi' ke rang kaa ghaaza ru-e-ghazal par aa na sakaa
'kaif' hamaare 'mir-taqi' kaa rang uDaayaa logon ne

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ham mein baaqi nahin ab khaalid-e-jaan-baaz kaa rang
dil pe ghaalib hai faqat hafiz-e-shiraaz kaa rang

dil ki taklif kam nahin karte
ab koi shikva ham nahin karte

ashk Dhalte nahin dekhe jaate
dil pighalte nahin dekhe jaate

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa