'kashfi' ko koi puchhne aae to dosto — Kashfi Multani

naachti hai jab tu apne dilrubaa andaaz se
aafrin ke naghme uThte hain dilon ke saaz se

thak thak ke tiri raah mein yuun baiTh gayaa huun
goyaa ki bas ab mujh se safar ho nahin saktaa

aab-e-haivaan ko mai se kyaa nisbat
paani paani hai aur sharaab sharaab

zamaana aayaa kuchh aisaa ki ab to har ghar mein
laTak rahi hai masarrat nazir ki tasvir

ik 'muzaffar'-gaDhi ke haathon se kaar-naama huaa hai laa-saani
jis ki takhliq naghma-e-sahraa naam 'kashfi' ba-urf 'multaani'

teri aankhein hain ki aahu-e-khutan ki aankhein
mahv-e-hairat thiin javaanaan-e-chaman ki aankhein

jab ki pahlu se yaar uThtaa hai
dard be-ikhtiyaar uThtaa hai

surur-e-jaan-fazaa deti hai aaghosh-e-vatan sab ko
ki jaise bhi hon bachche maan ko pyaare ek jaise hain

na koi dost na hamdam na aashnaa na habib
usi se khauf ziyaada jo hai ziyaada qarib

baad marne ke bhi chhoDi na rifaaqat meri
meri turbat se lagi baiThi hai hasrat meri

hamaaraa dost tufaili bhi hai baDaa shaaer
agarche ek baDe aadmi kaa chamcha hai

murdamaan bisyaar honge aur jaa-e-qabr tang
qabr ki taqsim par murdon mein chhiD jaaegi jang