dekhnaa hasrat-e-didaar ise kahte hain — Khwaja Mohammad Wazir

isi khaatir to qatl-e-aashiqaan se mana karte the
akele phir rahe ho yusuf-e-be-kaarvaan ho kar

hai saaya chaandni aur chaand mukhDaa
dupaTTaa aasmaan-e-aasmaan hai

ku-e-jaanaan se jo uThtaa huun to so jaate hain paanv
dafatan aankhon se paanv mein utar aati hai niind

aayaa hai mire dil kaa ghubaar aansuon ke saath
lo ab to hui maalik-e-khushki-o-tari aankh

jab khafaa hotaa hai to yuun dil ko samjhaataa huun main
aaj hai naa-mehrbaan kal mehrbaan ho jaaegaa

main ne yusuf jo kahaa kyuun bigDe
mol le legaa koi bik jaaegaa?

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

ik nazar ne kiyaa hai kaam tamaam
aarzu bhi to thi yahi dil ki

abhi hain qurb ke kuchh aur marhale baaqi
ki tujh ko paa ke hamein phir tiri tamannaa hai

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

meri khvaahish hai ki ji bhar ke use dekh to luun
hijr ke mumkina sadmaat se pahle pahle