chaaron taraf bikhar gaiin saanson ki khushbuein — Kumar Vishwas

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

jism chaadar saa bichh gayaa hogaa
ruuh silvaT haTaa rahi hogi

apne hi aap se is tarah hue hain rukhsat
saans ko chhoD diyaa jis samt bhi jaanaa chaahe

dil ke tamaam zakhm tiri haan se bhar gae
jitne kaThin the raaste vo sab guzar gae

koi divaana kahtaa hai koi paagal samajhtaa hai
magar dharti ki bechaini ko bas baadal samajhtaa hai

jab se milaa hai saath mujhe aap kaa huzur
sab khvaab zindagi ke hamaare sanvar gae

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

paidal hamein jo dekh ke katraate the kabhi
ab lift maangte hain vahi kaar dekh kar

shab-e-hijr mein ek din dekhnaa
agar zindagi hai to mar jaaeinge

ik diyaa dil ki raushni kaa safir
ho mayassar to raat bhi din hai